Новите дизели на Ауди ќе користат обновливо гориво!

АУДИ официјално најави дека новите дизел модели ќе можат да возат со гориво базирано на растително масло.

Германската авто компанија одобри користење на обновливо гориво во нивните V6 и четири-цилиндрични дизел автомобили произведени по втората половина на февруари оваа година. Ова гориво е всушност хидротретирано растително масло (HVO) кое се произведува од отпадни материи од агрикултурата и прехранбената индустрија. Се очекува да го намали високото ниво на карбон диоксид кое го испуштаат дизел автомобилите за дури 70% до 95%.

HVO исто така се смета за поквалитетно гориво во споредба со дизелот, и поради ова e по чисто кога e обработено во моторот. Матиас Шобер, шефот на погонската единица на Ауди изјави: “Бидејќи нивото на цетан на HVO е околу 30% поголем за разлика од дизелот, запаливоста на моторите е зголемена. Позитивните ефекти од ова се особено забележливи при стартување во ладна средина. Ги тестиравме фектите врз различните компоненти, перформансите и емисии на издувните гасови со специфични тестови пред да дадеме одобрение за користење”

Ова е одлична вест за љубителите на дизел моторите во случај да го забранат дизелот. Освен одличната вест има и една лоша. Бензиски пумпи кои нудат HVO има само  600 во цела Европа, а голем број од нив се во Скандинавија.